काठमाडौंका सबै सरकारी अस्पताल कोभिड १९ बनाउने सरकारको निर्णय

कोरोना भाइरसबाट संक्रमितहरुको संख्या बढेको बढेकै भएपछि सरकारले काठमाडौं उपत्यकाका सबै सरकारी अस्पताललाई कोभिड अस्पतालमा रुपान्तरण गर्ने भएको छ ।

स्वास्थ्य तथा जनसंख्या मन्त्रालयले सबै सरकारी अस्पताललाई कोभिड अस्पताल बनाउने र स्वास्थ्य सेवा विभागसँग भएको भेन्टिलेटर, आईसीयू र अक्सिजन आदि सघन उपचारका लागि व्यवस्थापन गर्ने निर्णय गरेको हो ।

बैठकले अस्पतालले होटलहरुसँग सहकार्य गरेर होटल आइसोलेसन सेन्टर सञ्चालन गर्न अनुमति दिने पनि निर्णय गरेको छ । यस्ता होटलमा संक्रमितबाहेक अरुलाई राख्न पाइने छैन । पछिल्लो समय काठमाडौं उपत्यका कोरोना भाइसरको मुख्य केन्द्र बनेको छ । उपत्यकामा दैनिक हजारौं नयाँ संक्रमित थपिइरहेका छन् ।

Back to top button