भक्तपुरको गोठाटारमा प्रहरीले गोली चलाएर दुई जना लागुऔषध कारोबारी पक्राउ गरेको छ । पक्राउ पर्नेमा झापाको कचनकवल गाउँपालिका–८ का ३७ वर्षीय हर्क लिम्बु र भारतीय नागरिक ४८ वर्षीय मोहम्मद करिम छन् ।

उनीहरुको साथबाट १ थान पेस्तोल र ३ राउण्ड गोली समेत बरामद गरिएको काठमाडौं उपत्यका अपराध अनुसन्धान कार्यालयका एसएसपी सोमेन्द्रसिंह राठौरले जानकारी दिए । उनीहरुबाट २ सय ग्राम खैरो हेरोइन समेत बरामद भएको छ। करिमको खुट्टामा एक राउण्ड गोली लागेको प्रहरीले जनाएको छ ।