बरिष्ठ हाँस्य कलाकार शम्भुराज थापा ‘बखते’को शनिबार विहान ४ः४० बजे पाटन अस्पतालमा  निधन भएको छ। कोरोना संक्रमण भएर लामो समयदेखि उपचाररत थापाकोउनको निधन भएको कलाकार जीवन थापाले बताए । एक महिनाअघि कोरोना सक्रमित भएका थापालाई अस्पताल भर्ना गरिएको थियो । अस्पतालमा उपचारकै क्रममा ६४ वर्षकाे उमेरमा थापाको निधन भएको हो । ६४ वर्षे थापाले टेलिफिल्म हल्का रमाइलो, गोलमाल, भद्रगोल, मह सन्चार, मेरीबास्सैमा अभिनय गरेका थिए।  केही ठूला पर्दाका​चलचित्र र विज्ञापनमा पनि उनी देखिँदै आएका थिए।थापाका श्रीमती, एक छोरो र एक छोरी छन् ।